Thuhmahruai: September ni 1 - November ni 30, 2010 chhung home furlough kan hmang a, thla 3 zan a ni nain reilote-ah kan hmang zo thuai mai a, a khamawm loh hle mai. Tin, kan zin kual nasat bakah inhmanna tur tul chi hrang hrangin min lo hmuak bawk nen, kan 'hahchawl' ve hi 'chawlhah' a ni zawk mah awm e. Hemi anih avang hian kan zin report hi bung thumah tal thensawm a ngai dawn a, kan chawlh hun tawp ber lama Kenya kan tlawh thlak thuin ka'n tan ang e. Kenya rama kan rawngbawlpui Pi Hlui, Pu Bula leh an fate zinga kan cham chhung hi ni 28-29 November 2010 a ni a. Mumbai to Nairobi Flight kan miss avangin ni 27 November 2010 kha Mumbai International Airport-ah kan tlingtla a, chuti chu ni lo se hemi ni pawh hi an hnena cham tur kan ni. Mahse pawi kan ti ta lo. Mumbai-a kan hotu ni bawk, nu leh pa ni bawk Nu Kawli leh Pa Rama (Colonels Lalramhluna leh Kawlramthangi), kan ngaih em emte nen inhmuhna hun tha tak kan neih theih phah a. Anni nupa hian kan harsatna tawhna chungah nasa takin min tanpui a kan lawm hle a ni.
Nairobi khawpui daifema kawngsir Bazar 
Nairobi khawpui laili hmun pakhata supermarket pakhat 'Nakumatt'. A chhunglam a ropui tehreng nen thlalak min phalsak lo tlat thin atin a ni.
Tlangval room, hei an football team tan zawng pawh a hriat theih e. Mapuia leh Dennis-a te room hi Kenya kan cham chhungin kan tihnawk hneh khawp mai. Chhangchhia chhungkua dawl zo takin min lo thleng a, kan lawm hle
Pafa an tualzawlah hockey khelh-ah an incho mek a nih hi. Tualzawl an nei zau a, badminton court pawh an nei
Fapa pahnih fel deuh deuh nei ta chu car pawh an vawng fai thei hle mai. Pu Bula te nupa hi an fate hian an chawimawi khawp mai, American International School-ah ngat kalin khawvel ram dang sorkai diplomat teho fate nen koki insiin tual an chai za thin a ni
Pi Hlui thlai huana antam kung thenkhat. Phuihnam te, samtawk te te an ching bawk a, Zambia thlengin kan hawn thla ve. Tui tak a ni
Mual inkhawm turin an fehchhuak mek. 'Zoram Khawvel' ziaktu L.Keivom, IFS chu India Ambassador niin Nairobi khawpuiah hian a lo tualchai tawh a. Kenyan Salvationist ten tatawrawt band nena mual inkhawm an uar thin zia leh, chumi a hmuha an veng pa Churachandpur district-a Chhandamna Sipai rinawm Pu Zulawma a hriatchhuah tir thin zia thu chu a essay ziah pakhat "Kros Sipai Mal Tla" tihah a tarlang. L. Keivom hian a lo sawi dik khawp mai, Pathianni zingtin hian Kenyan Salvationist te chuan mual inkhawm an nei vek thin a ni. 
Lt. Colonel Lalbulliana te In. Tunhma Sap ho kutchhuak ngat kha a la ni a. Lung chang lian, chhah leh sei tak tak rem chhoha sak pum a ni. Ban a nei miah lo a, nghet tak a ni tho. Hetiang lungchang tha hi ka la hmu lo. Hetiang lung deuh vek hi in sak nan an hmang. A chhung lam hi an sa tha em em leh bawk a, a chhuatte hi thingchang tak remkhawm hmanga phah chhuah vek a ni. Thasik laiin a lum a, nipui laiin a vawt, an ti
Vei lama he motor kawng hnuhma hi 'Pu Bula tum' kan ti mai. Nitin an nupaa an hnathawhna hmuna fehchhuaka an haw lehna kawng a nih avangin. Hei hi Salvation Army compound chhung vek a ni tawh a, in lo lang khi anmahni in tho kha a ni
Helai tualzawl leh thing mawi tak te hi Pu Bula te in bul hnai ami tho a ni a, hetiang hian phul te hi uluk takin an enkawl a, a hrut rualna khawl (lawn mower)-in an ti ve thlap thin
Hei pawh hi Salvation Army building lian tak pakhat a ni a, hostel/guest house angin an hmang niin ka hria
Hei hi Salvation Army hostel/home building pakhat bawk a ni a, an chei ulukin a hmun a fai nuam khawp mai
Home naupang thenkhat thla ka lakpui a, an uang thei khawp asin!
Nairobi khawpui hi mumal taka plan niin ka hmu. In leh lo an inrem felfai tha hle a, kawngkam sir tuak tuak te hi an chei mawi tha hle. Pangpar leh thingphun an uar em em a, hmun zawl, tui tlin theih lohna tawka awitlan deuh si hi a ni a, an enkawl fai bawk nen a Sapram ruih mai a ni
Hetiang te hi a ni an kawngpui sir an enkawl dan chu, bik a na
Salvation Army Kenya East Territory headquarters kawt zawlah Marcus-a. Phul leh pangpar, hnim te hi an enkawl tha asin!
Hei le Lt Colonel Lalbulliana, Kenya East Territory-a an Secretary for Business Administration (SBA) chu. A palian bik lo nain midum palian leh hrawl tak takte tan an 'pu' nia rawngbawlsaktu a ni tlat. A office room te hi a zauin a changkang em em mai a, a fai tle thim rulh vek mai a ni. Hotute leh Pathian mittlung taka rawngbawltu chhungkua an ni 
Kenya East Territory headquarters gate pui te, an gate vengtute chawlhbuk thleng hian a changkangin a nalh em em vek mai
Territorial Headquarters main building hi nalh veh vawh tak asin. A chhung hmun pawimawh zawng zawng chu Pu Bula te nupa hian min fankual pui a, plan a thain eng luh dan chin vel pawh tawk tak vek a ni, a khawi pindan mah hi luah chakawm loh tur bik a awm lo zu nia. Aizawla kan Booth Mansion te ai chuan a thain a changkang lawr!
Headquarters kawt zawl, Salvation Army compound ni vek tawh si a ni. Hmun an nei zau a, hemi hma lamah hian ram ruak zau tak, 200 sq meter vela zau an la nei. A piah deuha in mawi tak chhawng ve lo, lo langah sawn conference hall, kitchen leh dining te a awm
Kenya ramah chuan Pu Bula nen hian unau angin kan inchhal a, an thiante chuan "Colonel in inang hle mai, mahse i nau hi a hleitling zawk a nih hi" an ti!
Nuho office pawh a changkang khawp mai. Hemi thla ka lak lai hian Pi Hlui hian Lagos, Nigeria-a Pi Heleni chu an THQ kan tlawh thu email-in a zuk hrilh mek a ni
Nilum ai chungin puitlingin thingpui no te kan dawm a, naupangte an lo infiam bawk a. Kan cham chhung zawng hian Pi Hlui te hian duat takin min enkawl a, Mizo chawhmeh tui tak tak (Sangha rep from Major Pari, Behlawi rep, Dawl rep from Capt Zodini, Chhang ban from Capt Hriatpuii leh Pi Thangi leh a dangte, Sa rep te pawh le!) min hmehpui a, Mizo zaipawl video leh Chapchar Kut video te Nairobi khawpuiah ngei kan thlir ho thei a, tawngtaihona te pawh kan nei a, lawmawm kan ti hle. Airport-ah an nupain min lo hmuak a, min thlah leh thlap a, inngai tak chungin kan inmangtha ta a ni.
14 comments:
Pu Bula bula kal chu nawm hmel hle mai, in lo inang viau tak mai a, in trawng muang dun khopin ka ring. An hmunhma a tha in a awhawm khop mai, i zarah u Hlui te tuanna tlang kan lo hmu ve thei a, ngaihnawmin thlir a nuam khp mai...
Pu Bula te chu Kolkastaa an om lai zirlai ka nihin an in chaw ka ei ve toh.An khawp ngawt mai.
burgerstud2005
inhmuh chakawm tehreng nen, mi lar, buai bawk si hi chu in hmuh mai2 theih tawh lo anih hi a...:))
Dr.Chhanhima Ralte
dept of psychiatry
cmc vellore
E khai!!! in haw ta kha kan lungaleng khawp mai, inngaihawm tak tak ani, Zambia tluangtaka in thleng leh chu alawmawm e.
Hlui
Lianchhiari i va han ngaihawm thin ve, i fa kan hmu chakkhawp mai, in pa nen, tunah chuan i chhangchhe ve rap tawh a, inhmuh leh a chakawm ngei mai, inngaihawm thei khawp mai.
Hlui.
E khai, ava hmuhnawm em aw, pa fa Hockey inkhela incho lo entu hi Hlu-i a ni em aw, a nih chuan a tawr a lo tha ta deuh a ang hle mai.
Hawn paha in in tlawh thei hi a lawmawm e. In tan malsawmna a ni ve ve ngei ang. Africa khawmualpuia Mizo Missionary chhungkaw pahnih in tlawh tawn thawm han hriat leh thlalak han ente hian min va tilawm tak em!!!
Thlalak hmuh a nuam, Kenya chu lung a ti leng hle mai, Mt Longonot ah te khan an lawnpui ve lo che u a ni maw, kei chu hah thi kulin ka lawn asin :-)
Colonel Bula te chhung hi an felin an bula awm a nuam takzet asin.
Pathian leh mahni mihring puite tana hna tha thawk tur hian pa len kher a ngai lo tih Lt. col. Bula nen hian in lantir e.
Zonet interview kha a ngainawmin a bengvarthlak khawp mai.
Dear zaia,
E khai, mit a tlai thin hle mai. Mahni aia pa te zok thawhpui i la hmu zel a, a lomom e. Rawngbawltu poimoh taka i lo ni ta hi ka lom em em a. Supandi, shambu leh dingtea te poh an kalna lamah chuan an thleng sang khop mai,'dry cleaner ho dawra thomhnaw inkhai man tlomtea lei an tum toh lovang. I u hi supandi an PB a tui taka hnathawk anga min soi kha a dik, mahse arbawm ka tah mai mai bik lo ania..... A hunah chuan kan la zir zawm ang...kan tawngtai sak thin che u ania aw...
@Lianchhiari=I rin loh ang deuhin kei hi ka trawng rang viau asin. Pu Bula hi chu a muang mawi hriatnuam tawk velin a trawng thung. An chenna ram hi an sawi duh lo mai mai a, hmun nuam, changkang, inrelbawlna felna hmun leh Africa-ah phei chuan South Africa tih lohah health infrastructure leh facility that berna a ni asin! An airlines Kenya Aiways hi an changkangin an service a tha thlawt. South African Airways aiin chuan nuam kan ti zawk.
@Burgerstud2005=Ania sin. Pu Bula te nupa hi mi puitling, mi ril tak an ni bawk. An fate an fel khawp bawk mai.
@Dr Chhanhima Ralte=Hets Chhante, Aizawl media thenkhata kan interview i lo thlir/hre ve mi? CMC Vellore zawhah chuan Africa rawn kal thuai tawh ang che. I bo thui lutuk hmain!
@Hlui=Min duhsaknate zawng zawng avang khan kan lawm takzet e. Lawmthu kan sawi bang lo ni rawh se. Pathianin malsawm deuh seuh che u rawh se.
@Kiamlova=Pi Hlui ni love, Mapuii a nih khi! Pu Hlui chu a tleirawl tuai nalh zak asin. An thenawmah Sap nuhoin an hualchhuak vek si a, Pi Hlui chu a trawng leh ngaihtuahna, hawiher te thlengin a 'international' zaih asin. English a thiam (tawh) em em dan khi, a zir taihmaknaah fak a phu ka ti hle.
@Varte=Tlang chu kan lawn ve hman ta lo. Kan hahin hun kan ngah lo bawk nen. I vannei anih chu. I han zin chhunga i sulhnu thenkhat erawh kan chhui!
@Lalfaksanga=I sawi dik e. Taka, Zonet interview sawi takah chuan min interview-tupa Pu RK Lianzuala kha a thiam ka ti khawp mai. Amah avanga hlawhtling niin ka hria. Mizopa takin hun thawl min pe phal a, "Inkawm tur kan ni a, kan tui chen chen a ni mai, hunbi tuk a awm lo" a ti sam et a. Kan han tichho ta tak tak a, darkar 1 leh chanve ngawt hun kan hmang a. Ka rilru vei leh khawih tak tak ka sawichhuah theih nana zawhna min pek pawh a thiam khawp asin. Mizo media personnel-ah chuan a ril ber pawl a ni ang.
@Dr=Hlawl mai a! U Hlua ni reng chuan. I va ngaihawm ve. PB lamah in chhungkuaa in damtlan ka ring. Patnaah kha chuan che chhe thei zual bik kha chu an awm ngei alawm! Tuna i hnathawh tluka ropui kha a awm hlei nem. Pathianin a hun taka zir zawmna chance a siam sak em em ang che! Mahse ka sawi leh lawk, AIIMS-a PG tura i inziahtlin hnua i zawm lo kha chu aw, a pawi ka la ti reng. U Hlu, I nupui fanaute thlalak ka email-ah min rawn thawn rawh aw, please-in, kan hmu chak hle mai.
In chawlh hmanna Report leh Thlalak te hmuh a nuam khawp mai. Hun tha tak in neih theih avangin ka lawmpui khawp mai che u, mahse i sawi ang khan hun erawh a kal chak duh khawp, a khamawm loh thin! Kenya-a ka chhungte nen in hun in hman hona thlalak hmuh a nuam a, lung a tileng khawp mai. In rawngbawlna te tha taka in chhunzawm leh ka beisei in duhsakna ka hlan a che u.
Prayers and Blessings!!!
Hi Doc, just having a wee look at your blog. Enjoyed the photographs in the last post - didn't understand too many of the words though! Love to the family, Anth & Deryn Watson
I'm very happy to meet you, sir thank you
Post a Comment