Khawvela zirna in tha bera an sawi thin chu Eaton School a ni. Oxford, Cambridge, Yale leh Harvard University atanga zirchhuak nihte chu mite inchhuanna a ni thei a. Mithiam ‘calibre’ sang tak tak chherchhuaktu school leh university dang tam tak a a awm. Chung institution-te nena khaikhin tham ni hauh si lo, mahse keini nupa bik tana zirna in ngaihsanawm ber, zirna bul kan tanna leh kan kawng thui tak min sialsaktu chu Behliangchhip, Jampui Hill-a Salvation Army institution ‘Blue Mount English Medium School’ (BMES) hi a ni.Kum 1986-ah tlawm takin, hmathlir thui tak nei chung siin Capt. Lalramhluna (tuna India Western Territory, THQ Mumbai-a Chief Secretary ni mek) hona hnuaiah Behliangchhip khawtlang hruaitute leh mipuite nen S.A-in a din a ni. Khawchhung atanga hmun fianrial, tlang chhip hmun zawlzau tha takah a awm a. Ram awl zau tha tak, naupangte tualchaina hmun atana duhthusam a nei. He school-a kan zir ve hun lai hian KG atanga Grade Seven thleng zir theih a la ni a. Ka nupui nen hian batch hmasa ber zingah kan tel. Kan theihnghilh thei lo, bul tan tir tih takah kan school building hmanrua leh furniture dang zawng zawng siam nan khan khatih laia thing hmuh awlsam ber/tlawm ber Khiang hman a ni a, mawng a me/thak duh ngei mai!! Khangte kha min chher hriam tu, tuna Africa thingtlang hmun atana min lo buatsaihtu a ni tih kan fiah ta viau mai. Kan zirtirtu Mizote bakah Anglo Indian nula pathum ten min ho a, miss-te: Audrey, Debra leh Marina te an ni. An felin an ngainatawm hlawm hle. Mizo baite kha an hawp ve bawrh bawrh a. An ngaihawm, engtin awm ta zel maw!
BMES vanneihna pakhat chu a hun tawn pawimawh berah ‘ideal principal’ a nei hlauh mai a. Chu mi chu tudang ni lovin Lieut. Lalzamlova (tuna Sri Lanka Territory THQ Colombo-a Territorial Commander ni mek) hi a ni. Khatih hun lai kha BMES hun tawn san ber lai a ni. Tripura state chhungah pawh school tha ber a ni pha, hriat a hlawh bawk. Tripura phai lam atangte, state thenawm Mizoram atangte pawhin naupang an rawn lut nak nak a. Khatah lai na na na kha chuan he school hi khawvelah English (Saptawng) suasamna (?)/hman rimna ber hmun a ni hial ang!
Hun a lo kal zel a, hmasawnna thar a nei ve zel a. Hmasawnna dang tam tak zinga pakhat chu naupangten IT lama exposure an neih ve theihna tura Commissioner Lalkiamlova, International Secretary, London-a mite nupain hma an rawn la hi a ni. Kum thum chhung chu he school hian anni hmalakna zar hi a zo ta.
School Board te, zirtirtute te leh zirlai nu leh pate rilruah rualpawl leh hmasawn zel duhna a lian hle a. India Eastern Territory THQ pawhin an duhna chu pawmpuiin kum 2005 A.D. atang khan phur takin, zam deuh siin, Grade Ten thleng hawngin Tripura Board of Secondary Education (TBSE) hnuaiah Madhyamik (Matric) an exam tan ve ta a. TBSE hi West Bengal Board nen a inang a, a har dan chen pawh khaikhin a ni thin. Pathian malsawmna zarah an exam tirh ata tun thlengin an matric result hi ‘100% passed’ a la ni zat zat a.
And This Year 2008, BMES Did It Again For The Fourth Time. Congratulations To The Blues!! (We think it’s an appropriate nick for you all successful candidates). Respected Teachers, Well Done, You Have All The Reasons To Be Proud Of. We Salute You.
Click the following links to know more about Jampui Hill-
http://en.wikipedia.org/wiki/Jampui_Hills
http://www.north-east-india.com/tripura/jampui-hill.html
http://www.planetware.com/india/jampui-hills-ind-trip-jampui.htm
http://tripura.nic.in/plinter2.htm
No comments:
Post a Comment