Mizoin thluaka khawsik lut kan tih mai, natna hlauhawm tak ‘Meningitis’ hi khawvel pum huap statistics atanga a lan dan chuan a thlentu bulpui ber Bacteria a ni a, Virus leh TB-in a dawt leh a, Cryptococcus neoformans (Fungus) vanga thleng hi chu a dangte nena khaikhin chuan sawi tham pawh a tling lo. Kan hospital-ah ve thung hi chuan he statistics letling thawk hi kan dinhmun a ni. Cryptococcal meningitis a hluar ber a, TB meningitis leh Viral meningitis ten an dawt leh a, Bacterial meningitis a tlem ber thung. 
A chhan chu, Cryptococcal meningitis leh TB meningitis te hi ‘opportunistic infections’ (O.Is.) kan tihte zinga mi an ni a. HIV/AIDS hrileng (epidemic) avang hian heng meningitis chi hnihte hi a pung hluai a ni ber mai. AIDS veite zinga natna leh thihna tam tak thlentu a ni mek a, Africa ram tam takin an manganpui mek a ni.
Pu Costern Hachintu, 42 (amah leh a chhungte phalna laa a hming leh thlalakte hi tarlan a ni) hi Cryptococcal meningitis vangin thla 4 chhung tehmeuh nikhawhrelo (unconscious)-in a awm hnuah tunah chuan a lo dam leh tan ta a. Kan nurse te, ama chhungte leh kan physiotherapist-te thawhrimna zarah hma a sawn chak hle a ni. A damdawi mamawh tak hmanga hun rei tak enkawl anih hnuah a thluak tui (CSF) hi, natna hrik (Cryptococcus neoformans) a la awm leh awm loh hriat nan vawi 3 exam nawn a ni tawh a, tunah chuan a fim (sterile) ta vek e. Kan medical team te thawhrimna leh a chhungte inpekna zarah a thil theihnghilh tawh tam takte pawh a thiam chak leh sawt hle a ni.
Male Medical Ward khum hmasa ber changtu anih vang pawh a ni ang e, ward ka round apianga min lo dawngsawng hmasa bertu chu amah hi a ni. A chhelna te hian min fuih thin a. Pathian ring chunga, inpekna thuk tak nena kan thawh phawt chuan, kan thiamna beitham tak pawh hi malsawmin a awm fo thin a ni tih min hriat nawn tirtu chu, Pathian thiltih mak changtu tam tak zinga pakhat Pu Costern Hachintu hi a ni.
Pathian thiltihmak (miracle) ringhleltu i lo ni palh anih chuan Zambia thingtlanga Salvation Army Chikankata Mission hmun hi rawn pan la, i rinhlelhna a bo ang a, i rinna tihpun a ni ang.
Pathian thiltihmak (miracle) ringhleltu i lo ni palh anih chuan Zambia thingtlanga Salvation Army Chikankata Mission hmun hi rawn pan la, i rinhlelhna a bo ang a, i rinna tihpun a ni ang.
4 comments:
Medical science thiamna piah lamah hian tidam theitu a awm tih hi chu ka chiang khawp mai..
2005 khan kan u hmeichhia, kum 35 vel bawr, brain tumour vangin Guwahati an rawn chhuk pui a. kar 2 vel nikhaw hrelo in a awm tawh. MRI result atang chuan neuro surgeon chuan "engmah tih theih a awm tawh lo" a ti tawp. Beidawng takin an haw a. In an thlen chuan a nu in "kan in hi a duh duh tawng tai nan i hawng tawp mai ang u" a ti a, chuan a chhun a zanin an tawngtai mup mup reng a..Nikum October thla khan a rawn harhchhuak hlawl ringawt..Tunah chuan zun ip harsa a ti a, chuan a tawng a fiah chiah lo deuh..a bak chu insawiselna a nei tawh miah lo..mi zawng zawng in mak an ti a, a buaipuitu mi 4 phei chuan mak kan ti lehzual...
A sei ta deuh a, min lo hrethiam mai dawn nia..chance ka neih chuan he thu hi ka sawi chhuak ve ziah... :D
God Bless..
zaia..in chanchin chhiar a nuam thei khawp mai...ka lo en ve ziah nia...keep it up..GOD bless! ...www.orkut.com... hi lo hmang ve dawn chhin teh....
in cc ka lo chhiar ve zel a. keipoh ka dam e. mapuii te nufa thlalak hmuh a nuam khop mai. lo ziak zel ru. more pics too. one of my inspirations. take care
@luliana=In chhungkuaa Pathian tihdamna hnathawh thlng hi ropui ka ti hle mai.Tawngtaina hian engkim a ti thei a ni.
@chhanhima=Chhante i ngaihawm hle mai,i damlo enkawlte tan malsawmna lo ni zel ang che.
@rody lalrimtuii=We really miss you. Great to know that you have graduated recently. Congrats! We also love the pics you have sent. We wish you enjoy your stay there in Down Under. God be with you always.
Post a Comment