October ni 11, 1999 khan khawvel mihring damlai hi 6 billion tling chiah anga record buah ziah luh kan ni a. He leia mihring awm tirh atanga chhutin (thi tawhte chhiarin) 60 billion vel kan tling chiah bawk. Heng zinga a tam zawkte hi chu mite hriat lem lohin an tham ral tawh a, mi thenkhat chuan an vela mite hriat an hlawh hram a, mi tlemte khawvel history-a danglamna thlen phak an awm bawk. Mahse mihring tumah hian, Israel rama kum 2000 vel kaltaa piang, Nazareth Isua aiin mihringte nunah hnuhma chhinchhiahtlak an la hnutchhiah ngai lo. Hengte hian a tifiah:~ A pian hun leh ni tak hriat a ni lo a, chutichung chuan mihringte hun chhhiarna hi a pian hma (BC) leh hnu (AD)-ah then a ni.
~ Lehkhabu pakhat mah a ziak lo a, chutichung chuan ama chungchang ziahna lehkhabu hi lehkhabu zingah a la tam ber a, hralh tla leh chhiar hlawh ber an ni.
~ Milem ziakmi ani lo a, hla pakhatmah a phuah hek lo, chutichung chuan ani tluka mihringte lemziak, hla, lemchan leh art dangtea nghawng nei thuk an la awm ngai lo.
~ Sipai dinin helna vawikhat mah a chawk chhuak lo a, chutichung chuan ama ram chhan nan mi maktaduai tam takin an nunna an thap tawh a, kum tinin mi sang tam takin an nunna hial an la hlan zel a ni.
~ A dam chhungin a pianna hmun Bethlehem khua atanga mel 200 aia hlaah a zin lo, Aigupta rama a nu leh paten an tlanchhiatpui tih loh kha chu. Chutichung chuan a huhang hian tunah chuan khawvel hmuntin a fan chhuak a, amah zuitu Kristiante chu khawvelah an lo tam ber ta.
~ Vantlang zinga a rawngbawl/zirtir hun chhung khan kum thum chiah a awh a, khawvela ram te berte zinga mi Israel tlangram velah a ni lehnghal, chutichung chuan tunah chuan a chanchin hrilh nan satellite tha ber ber kahchhuah a ni a, he lei boruaka radio leh television network lian ber berte chu a chanchin hrilin an hmanhlel mek a ni.
~ A kein vawikhat mah zirna in chhung a rap lo, mahse university, seminary, college leh school sang tam tak chu a hming pua din an nih lawi si hi.
~ A damlai hun khan a chenna ram pawnah chuan hriat a hlawh miah lo, tunah erawh Encyclopaedia Britannica bu chhungah a hming kaihnawih thumal 30,000 (singthum) hmuh tur a awm tawh.
Isu ropui takin leng rawh, i Lalzia lantir (zel) ang che.
4 comments:
A bengvarthlak hle mai
The best HERO ever!!! Making the right choice. Interesting, inspiring and informative (3 good I's). God bless you to keep up the good work.
@varte=i tilawmawm thin e.
@zl=thanks for following my blog. Our prayers with you. Continue to have a safe and effective ministry in trouble-torn Sri Lanka.
Isuan i nunah awmzia a neih thukzia hriat hi a nuam hle mai. Lawmawm ka ti tak zet e. Lalpan in chhungin malsawmin awmpui zel che u rawh se.
Post a Comment