Africa Freedom Day

A ni tak chu nimin 25th May kha ni zawk a. Sunday anih avngin vawiinah a lawmna buatsaih a ni zawk. Zambia ram mai ni lo, African Union-a tel Africa ram zawng zawng ten he ni hi urhsun takin an hmang hlawm ngei ang. He ni an hman chhan chu “to mark the onward progress of the liberation movement, and to symbolize the determination of the People of Africa to free themselves from foreign domination and exploitation.”

Kan hriat angin Africa ram tam zawk chuan European nations (UK,France, Portugal) te awpbehna lak atangin zalenna an hmu tawh a. Mahse colonialism hian thui takin nghawng a la nei. An dinhmun tur ang an phu tawk an la luah zo meuh lo.

African-ho rilru sutthlek atanga lang chu an ram economic dinhmun siamtha tur leh development thlen tur hian ram dang tanpuina mamawh tlata inhriatna hi a ni. Hei hi a dikna chen a awm. Awpbeh an nih khan an ram hausakna mai baka an rilrua zalenna leh mahni inrintawkna te thleng chhuhsak an ni. He rilru inrahbehsakna hian tun thlengin nghawng tha lo a nei. Tun huna mingo ramte hnena tanpuina an thing na viau pawh hi a awm a, heng ramte pawh hian tanpuina tam thei ang ber pek hi an ba ve tlatin ka hria.

Africa khua leh tuite hian awpbettu tihbaiawm tak an la nei. Chu chu AIDS hi a ni. Zambia ramah hian mi 6 zinga 1 zel hi HIV+ ni anga ngaih an ni. Kan Chikankata Hospital ART Clinic-ah ngawtpawh hian nitin mi 50 chuangin AIDS enkawlna dawi hi an rawn chhim a ni. Khawi hmunah pawh HIV/AIDS hi a awm. AIDS chungchanga an hmalaknaah hian an tlakchham chu 'Behaviour Change' (Nunphung hrisel zawm) an tum lo hi a ni a. An plus point ve thung erawh chu 'AIDS veite khawtlang leh chhungkuain hmangaih taka a kuangkuah hi a ni. 'Stigma' a nasa lo thung.

He poster pahnih hi in tan Africa Freedom Day present a ni e. Isaia bung 53 thu inziahna hi Chikankata Corps biak in luh chiaha kawngkhar veilama intar a ni.